A Profa cumpre 8 anos

Hoxe A profa está de aniversario.
Nacía este blog en 2007 coa intención de tender fíos de camiños coincidentes e aí seguimos no que se ten convertido nunha experiencia sorprendentemente positiva para min.

Un animal chamado néboa 01

#GrandeAgustin 01

Linguas e acentos dende Caderno de Lingua. Para min e para ti (3)

3. Linguas e acentos dende Caderno de Lingua
Román Landín tráenos un texto xornalístico de Ángel Carracedo para traballar diferentes contidos do ámbito da sociolingüística.

Para (indicacións de Román Landín):

• Interferencias lingüísticas.
• Linguas en contacto.
• Prexuízos linguísticos.
• Autoestima lingüística.

*Se realizas algunha actividade sobre o texto, por favor, compártea con Román no seu blog.

Porque se traballamos todos, traballamos menos e, xa que o fago, fareino Para min e para ti.

«De remate». «En memoria de Bieito Sanmarful» (booktrailer)

Nunca un booktrailer me deixara tan impresionada. Chega dende Brétemas este pequeno documental, non me atrevo a cualificalo de propagandístico, da novela gañadora do Premio Xerais deste ano, De remate, de Héctor Cajaraville. Parabéns a estes non actores que nos conquistan para a lectura sen que poidamos ofrecer a menor resistencia. Sinxelamente marabilloso!

Javier Gómez Noya dende A lingua de Alcaián. Para min e para ti (2)

2. JAVIER GÓMEZ NOYA E A LINGUA dende A lingua de Alcaián
Mercedes Queixas tráenos unha entrada sobre o deportista Javier Gómez Noya e a lingua.

Para:

• Entrevista
• Discurso oral planificado
• Sociolingüística

Porque se traballamos todos, traballamos menos e, xa que o fago, fareino Para min e para ti.

Casas alfabéticas dende Xogos de lingua. Para min e para ti (1)

Con esta entrada inicio unha sección na que penso recoller materiais interesantes publicados por outras persoas que considero aproveitables para as aulas. A estrutura vai ser moi sinxela, referencia e breve exposición de posibilidades didácticas. Porque se traballamos todos, traballamos menos e, xa que o fago, fareino Para min e para ti.

1. Fascinantes casas alfabéticas dende Xogos de lingua

Carlos Medrano tráenos divertidas casas alfabéticas de Florian Schommer.

Para:

• Observación polo miúdo.
• Descrición.
• Escribir a partir dunha imaxe.

Xabier Díaz & Adufeiras de Salitre - Langueirón

Eu a lei non cha perdinhe...

Coreografía

20 Cores en galego

Que 8 libros galegos cres que hai que ler antes de morrer?

Despois de ler a magnífica Historia da Literatura Infantil e Xuvenil Galega coordinada por Blanca-Ana Roig Rechou preguntábame como elixir uns poucos títulos ao ano entre tanta produción. Acordeime dun post de febreiro de 2007 no que Francisco Castro lle preguntaba ao público do seu blog que 8 libros galegos crían que había que ler antes de morrer, en menos dun mes publicaba unha listaxe de cinco obras saída desa votación.
Máis de oito anos despois, gustaríame que me axudases a escoller.
Que 8 libros galegos cres que hai que ler antes de morrer?

María do Carme Kruckenberg (1926-2015) - Que non te invalide a indiferenza

Vivir, unha aventura irrepetíbel - María do Carme Kruckenberg (1926-2015)

Onte finaba en Vigo, a mesma cidade que a vira nacer, María do Carme Kruckenberg Sanjurjo.

Só tiven ocasión de vela cando Mercedes Queixas presentou en Vigo Vivir, unha aventura irrepetíbel coa presenza da autora na Casa Galega da Cultura o 5 de abril de 2011. Unha obra singular e excepcional que logo había gañar o Premio de Ensaio 2012 da Asociación de Escritores en Lingua Galega.

Dende aquela tiña esta débeda.

 

Aquí a carta-homenaxe de Mercedes Queixas á amizade entre as dúas escritoras.

Día Internacional do Libro Infantil 2015

Talvez HOXE poderías recomendarlle un LIBRO,

e/ou agasallar cun libro,

e/ou lerlle un libro

e que a túa voz

faga MAXIA.

 

 

 

Dende 1967, o 2 de abril, coincidindo coa data do nacemento do escritor danés Hans Christian Andersen, o IBBY (Organización Internacional para o Libro Xuvenil) promove a celebración do Día Internacional do Libro Infantil co fin de promocionar os bos libros infantís e xuvenís e a lectura entre os máis novos.

Todos os anos unha Sección Nacional é a encargada de elaborar unha mensaxe para todos os nenos e nenas do mundo. En 2015 esta mensaxe chéganos dos Emiratos Árabes Unidos, da man da escritora emiratí Marwa Al Aqroubi e a ilustradora Nasism Abaeian.

"Falamos diferentes linguas e vimos de diferentes orixes, mais compartimos as mesmas historias"
Historias internacionais… historias tradicionais
É a mesma historia que se nos conta a todos
En diferentes voces
En diferentes cores
Pero permanece inmutábel…
Comezo…
Argumento…
E fin…
É a mesma historia que todos sabemos e amamos
Todos a escoitamos
En diferentes versións de diferentes voces
Mais sempre é a mesma
Hai un heroe… unha princesa… e un vilán
Non importa a súa lingua, nin os seus nomes,
Nin as súas caras
É sempre o mesmo comezo,
Argumento
E fin
Sempre ese heroe… esa princesa e ese vilán
Inmutábeis durante séculos
Acompáñannos
Murmúrannos nos nosos soños
Arrólannos para durmir
As súas voces marcharon hai tempo
Pero viven nos nosos corazóns para sempre
Pois únennos nun mundo de misterio e imaxinación
Para que todas as culturas se fundan nunha única historia."

Marwa Al Aqroubi
Traducido ao galego por Antía Marante e Sabela González. 

A memoria da choiva I - Compilación do léxico

Instrucións de organización do alumnado para a elaboración colaborativa do léxico da obra A memoria da choiva de Pedro Feijoo.

	1A	1B
número na aula	páxinas	páxinas
1	1-14	269-282
2	15-28	283-296
3	29-42	297-310
4	43-56	311-324
5	57-70	325-338
6	71-84	339-352
7	85-98	353-366
8	99-112	367-380
9	113-126	381-395
10	127-140	396-410
11	COMPILADOR	411-426
12	141-154	REVISORA
13	155-168	427-441
14	REVISORA	442-456
15	169-182	457-469
16	183-196	COMPILADOR
17	197-210	COMPILADOR FINAL
18	211-254	exenta
19	255-268	REVISORA FINAL
FUNCIÓNS
BUSCADORES Buscar nas páxinas adxudicadas o léxico descoñecido ou que poida presentar dificultades á hora de ser utilizado nunha creación textual. O formato das entradas debe ser, palabra en negriña e con maiúscula inicial, dous puntos, definición. Ex.: Palabra: Definición. Ordenar ese léxico alfabeticamente. Pasarlle o corrector. Enviarlle un arquivo con identificación ao compilador do seu grupo.
COMPILADORES Deben compilar o léxico de toda a súa aula. Ordenalo alfabeticamente eliminando as posibles repeticións. Pasarlle o corrector. Comprobar que o formato de todas as entradas é igual. Enviarllo á persoa encargada da revisión na súa aula.
REVISORES Debe darlle a última revisión ao arquivo comprobando a orde alfabética, a revisión ortográfica e a non repetición de palabras. Debe enviarlle o léxico da súa aula nun único arquivo ao compilador final. Debe crear unha listaxe de correo da súa aula. Debe enviarlle ao alumnado da súa aula a versión que lle facilite a revisora final.
COMPILADOR FINAL Debe xuntar nun único arquivo os léxicos de todo o libro enviados polas dúas aulas. Debe comprobar a orde alfabética e eliminar as entradas repetidas. Debe pasarlle o corrector. Debe comprobar que o formato de todas as entradas é igual. Debe enviarlle o arquivo final á revisora final.
REVISORA FINAL Debe darlle a última revisión ao arquivo comprobando a orde alfabética, a revisión ortográfica e a non repetición de palabras. Debe enviar o arquivo a: pilarponteclases@gmail.com e aos revisores das dúas aulas para que á súa vez llelo faciliten aos seus compañeiros e compañeiras para que poidan ir avanzando no estudo do léxico de cara ao exame.
PRAZOS Indícanse as datas límite para a entrega do traballo asignado. Prazo compiladores: 8 de abril Prazo revisores: 10 de abril Prazo compilador final: 12 de abril Prazo revisora final: 14 de abril Exame do libro: 24 de abril

A profa 3º ESO: As palabras do atentado de París

A profa 3º ESO: As palabras do atentado de París: Taboleiro do alumnado de 3ESOA co vocabulario que segundo eles resume o acontecido en París.

A profa 3º ESO: 2ª Avaliación: Nós somos Charlie

A profa 3º ESO: 2ª Avaliación: Nós somos Charlie: Comezamos a segunda avaliación falando atrapados pola noticia do atentado de París. Despois de nos informar, debatemos sobre cuestións c...